Organizata Botërore e Shëndetit ka deklaruar ditën e sotme se shpreson që planeti ta kalojë pandeminë e koronavirusit në më pak se dy vjet.
Ky lajm është bërë me dije nga kreu i përgjithshëm, Tedros Adhanom Ghebreyesus, i cili këmbënguli se kjo pandemi do të përfundojë më shpejt se sa gripi spanjoll në 1918.
Më tej ai tha se globalizimi, afërsia, sot ka lejuar që Covid-19 të përhapet në të gjithë botën me shpejtësi si rrufe, por që sot kemi një avantazh: teknologjinë.
“Pandemia e gripit spanjoll në vitin 1918 zgjati dy vjet dhe më pas përfundoi. Situata jonë tani është më ndryshe, kemi më shumë teknologji, natyrisht më shumë qarkullim, virusi ka më shumë shanse për t’u përhapur, dhe mund të lëvizë shpejt,”- tha Tedros Adhanom Ghebreyesus.
“U deshën tre valë që gripi spanjoll të infektonte shumicën e njerëzve.”- tha shefi i urgjencave të OBSH-së, Michael Ryan.
