Dy të moshuar në Gjirokastër janë grabitur Ngjarja ka ndodhur në orët e para të mëngjesit të sotëm në lagjen "Kodra e Shtufi". Kanë qenë një grabitës i cili ka hyrë nga dritarja e tualetit të banesës në katin e parë të një pallati ku banonte familja e Laze Shehut. Policia thotë se grabitësi arriti të merrte 18700 lekë dhe është larguar pa i dhunuar. Disa orë pas ngjarjes është arrestuar autori.
Njoftimi i policisë Gjirokastër
Zbardhet në kohë rekord ngjarja e ndodhur në orët e para të datës 24.07.2020, në lagjen "Kodra e shtufit".
Kapet dhe vihet në pranga autori i ngjarjes.
Në orët e para të mëngjesit të ditës së sotme, në lagjen "Kodra e shtufit", në banesën e shtetasit H. Sh., 80 vjeç (kati i parë i një pallati), ka hyrë nga dritarja e tualetit një shtetas dhe ka vjedhur 18.700 lekë. Ky shtetas, kur ka hyrë në banesë është pikasur nga të zotët e banesës, të cilët kanë tentuar ta ndalojnë, por pasi ka marrë lekët pa u shkaktuar dëmtime fizike dy bashkëshortëve, është larguar me shpejtësi.
Falë punës së mirorganizuar hetimore u bë e mundur zbardhja e ngjarjes, identifikimi i autorit, kapja dhe shoqërimi i tij në ambientet e Komisariatit të Policisë Gjirokastër.
Në përfundim të veprimeve të para hetimore të kryera u bë ndalimi i shtetasit V. K., 32 vjeç, banues në lagjen "18 Shtatori" dhe materialet do t’i kalojnë Prokurorisë pranë Rrethit Gjyqësor Gjirokastër, për veprime të mëtejshme.
[video width="640" height="352" mp4="https://cdnimpuls.com/lapsi.al/wp-content/uploads/2020/07/WhatsApp-Video-2020-07-24-at-12.38.33.mp4"][/video]
