Opozita e re në Parlament po shnderrohet në gallatë pasi po tërhiqet nga propozimi i saj për rritjen e pragut elektoral në zgjedhjet e ardhshme.
Në propozimin e ndryshimeve kushtetuese e firmosur nga 29 deputetët të pakicës në Kuvend, vetë deputetët e opozitës së re propozuan që pragu elektoral nga 3% që është aktualisht, të rritej në 5%.
Por pas diskutimeve, përfaqësuesit e opozitës së re, janë tërhequr nga qëndrimi i mëparshëm i firmosur nga vetë ata, teksa kanë kërkuar që pragu të ulet në 2%.
Në emër të Grupit Parlamentar të Demokratëve, Korab Lita ka thënë se propozimi i tyre për rritjen e pragut në 5% dhe ndalimi i koalicioneve ngushton hendekun për futjetjen në parlament të partive të vogla. Kërkesa e Korab Litës për të zbritur nga 5 në 2% pragun elektoral, është mbështetur nga të gjithë deputetët e opozitës.
Deputeti Myslim Murrizi deklaroi gjatë fjalës së tij se e mbështet nismën e Litës, për të zbritur në 2% ndërsa pritet edhe qëndrimi i mazhorancës rreth këtij propozimi.
“Mbështes në emër të opozitës propozimin e relatorit, që të ndryshojë pragu i përqindjes që ka qenë 5% të merret në konsideratë dhe të zbresë ai prag nga 5% në 2%”, tha Murrizi.
