Ministrja e Shëndetësisë, Ogerta Manastirliu,e cila u shfaq sot me maskë, deklaroi nga foltorja në Kuvend se dy spitalet Covid nuk do të kenë më kapacitet pas rritjes së numrave të të infektuarve.
“Në të dy spitalet e dedikuara për Covid, kemi mbi 120 të shtruar me këtë diagnozë. Shumë shpejt do të ezaurojmë kapacitetet e të dy spitaleve dhe do të shtrihemi në spitalin e tretë dhe të katërt. Ne do të vijojmë të forcojmë kapacitetet spitalore, por më mirë të forcojmë kapacitetet apo të marrim masa secili prej nesh? Duhet të mësohemi me normalitetin e ri. Ashtu siç ishim nuk do të jemi, derisa të dalë vaksina”, tha Manastirliu e cila paralajmëroi hapjen e spitaleve Covid 3 dhe 4 me rëndimin e gjendjes.
Por ministrja që u tërhoqi vëmendjen deputetëve për mosmbajtjken e maskës, nuk precizoi se kur parashikohet hapja e spitaleve të reja.
©lapsi.al
