Robert Ndrenika është bërë si Shaban Qosja. Edhe kur afera e teatrit harohet pak, ai ngre zërin në publik që njerzit ta kujtojnë si e ka dredhur. Ai ka thënë sot se ndihet i lumtur që ka parë projektin e ri i cili nuk do të ketë as kulla brenda teritorit të teatrit, por do të jetë shumë më i mirë sesa ishte.
Por aktori që bën sikur i gëzohet lartësimit të një godine moderne bën sikur harron se ai e ka quajtur teatrin "Jeruzalemi ynë" se pati deklaruar para ministres Kumbaro, kur rinisi të qarkullojë ideja për shembjen e godinës : “Unë nuk do të tretem në gropë, por do të shtrihem atje nëse prishet Teatri”. Shikojene edhe me vido (poshtë) si iu përgjigj ai gazetares Eni Vasili kur e pyeti për prishjen e mundshme: "Shumë i dëshpëruar jam. Është njësoj si t’i bihet murit me kokë. Është shumë e rëndë. Ai vend aty është shumë i shenjtë. Aty është krijuar gjithë kultura e kryeqytetit. Është shumë e rëndë mënyra si bëhet kjo punë. Kërkon ai ambasadori i madh i amerikanëve të kapë peshqit e mëdhenj që i ka para syve, edhe kapen këto sardelet. Aty ka 20 vjet që tentohet të kryhet një grabitje e mbetur në tentative dhe nuk flet njeri. As prokuroria, as qeveria, as PS. Me sa duket ai do ta bëjë këtë punë. Dhe kur i del, le t’i dalë".
Por së paku në vend që të priste me durim që koha ti fshinte këto kujtime aspak të lavdishme, kur vëmendja mediatike është larguar disi nga teatri, Ndrenikën e thërrasin sërish të bëhet lajm propagandistik. Dhe këtu ai nuk meriton krahasi tjetër vecse me ate personazhin e famshëm që kruhej vetë.
©Lapsi.al
Reagimi i plotë i aktorit
“Falënderim! Dje më thirrën regjisori Altin Basha, drejtori i teatrit, Hervin Çuli, dhe inxhinier Bejleri, në një zyrë arkitekture dhe pashë skicat dhe projektin e ndërtimit të teatrit të ri. U kënaqa shumë. Me këtë rast dua të bëj një falënderim, dua të falënderoj Aleancën për Mbrojtjen e Teatrit dhe Partinë Demokratike, sepse gjatë gjithë kohës që unë pashë këto skica si edhe projektin e teatrit të ri, pata parasysh vërejtjet dhe sugjerimet që kanë bërë Aleanca dhe PD-ja, duke dashur që në projekt të jenë të pasqyruara të gjitha vërejtjet e tyre për teatrin. Të gjitha këto vërejtje i gjeta të rregulluara në projektin e teatrit të ri. Për shembull, në të gjithë territorin e teatrit, në asnjë centimetër të tij, nuk do të ketë ndërtime të tjera dhe as kulla. I gjeta të pasqyruara në atë projekt të gjitha kërkesat e tyre përveç njërës ‘që teatri do bëhet, aty ku ishte, por do bëhet shumë herë më i mirë nga sa ishte’. Teatri i ri do të jetë me kushte bashkëkohore si shumë teatro europianë”, është shprehur Ndrenika.
