Kryeministri Edi Rama tha një ditë më parë se sot kuvendi do të votiojë marrëveshjen e 5 qershorit për Kodin Zgjedhoir, por ajo nuk është parashikuar në rendin e ditës. Në faqen zyrtare të Kuvendit për seancën e sotme janë parashikuar 18 çështje, mes të cilave dy interpelanca, një me ministren e Arsmit dhe një tjetër me Ministrin e Jashtëm.
Po ashtu parashikohen diskutime për disa projektligje dhe për Aktet Normative të miratuara gjatë javës nga qeveria. Mazhoranca do të pranojë dekretin e Presidentit për betimin e anëtarëve të Gjykatës Kushtetuese, por pritet që të rrëzohen dy dekretet e tjera për Vettingun në Polici dhe për gjobat kundër mediave gjatë pandemisë. Në dokumentin zyrtar të Kuvendit shihet se premtimi i maxhorancës për miratimin e marrëveshjes së 5 qershorit, nuk është pikë për diskutim. ©LAPSI.al
Seancë plenare PUBLIKE
Rendi i ditës
Në mbështetje të Urdhrit nr. 39, datë 20.7.2020 të Kryetarit të Kuvendit, z. Gramoz Ruçi, rendi i ditës është si më poshtë vijon:
1. Miratimi i procesverbalit të seancës plenare të datës 16.07.2020
2. Njoftimi i çështjeve të depozituara në Kuvend për shqyrtim
3. Interpelancë urgjente me ministren për Arsimin, Rininë dhe Sportet kërkuar nga një grup
deputetësh.
4. Interpelancë me ministrin për Europën dhe Punët e Jashtme kërkuar nga deputeti Kostaq Papa.
5. Raporti i veprimtarisë vjetore të Autoritetit të Mbikëqyrjes Financiare për 2019.
6. Raporti i veprimtarisë vjetore të Këshillit të Ministrave për gjendjen në shërbimin civil për vitin
2019.
7. Raporti i veprimtarisë vjetore të Institutit të Statistikave për vitin 2019.
8. Akti normativ nr. 27, datë 1.7.2020, “Për disa shtesa dhe ndryshime në ligjin nr. 9936, datë
26.6.2008, “Për menaxhimin e sistemit buxhetor në Republikën e Shqipërisë”, të ndryshuar””.
9. Akti Normativ nr. 29, datë 15.7.2020 “Për një shtesë në aktin normativ nr. 3, datë 15.3.2020, të
Këshillit të Ministrave, “Për marrjen e masave të veçanta administrative gjatë kohëzgjatjes së
periudhës së infeksionit të shkaktuar nga COVID-19”, të ndryshuar”.
10. Projektligji “Kodi ajror”.
11. Projektligji “Për disa ndryshime dhe shtesa në ligjin nr. 9357, datë 17.03.2005 “Për statusin e
punonjësit të Shërbimit Informativ të Shtetit” të ndryshuar””. pdf)
12. Projektligji “Për një ndryshim në ligjin nr. 9632, datë 30.10.2006 “Për sistemin e taksave vendore”
të ndryshuar””.
13. Projektligj "Për ratifikimin e marrëveshjes dypalëshe, ndërmjet Këshillit të Ministrave të
Republikës së Shqipërisë dhe Konfederatës Zvicerane, për programin e zhvillimit rajonal në
Shqipëri (faza 4, 2019-2023).
14. Projektligji “Për ratifikimin e marrëveshjes së bashkëpunimit financiar ushtarak, ndërmjet
qeverisë së Republikës së Turqisë dhe Këshillit të Ministrave të Republikës së Shqipërisë”.
15. Dekret nr. 11.443, datë 02.03.2020, “Për kthimin e ligjit nr. 14/2020 “Për një shtesë në ligjin nr.
8577, datë 10.2.2000, “Për organizimin dhe funksionimin e Gjykatës Kushtetuese”, të ndryshuar””.
16. Dekret nr. 11.444, datë 02.03.2020, “Për kthimin e ligjit nr. 15/2020 “Për disa shtesa dhe ndryshime
në ligjin nr. 96/2016, “Për statusin e gjyqtarëve dhe prokurorëve në Republikën e Shqipërisë”, të
ndryshuar”.
17. Dekret i Presidentit të Republikës me nr. 11.536, datë 8.7.2020 “Për kthimin e ligjit nr. 74/2020 “Për
vlerësimin kalimtar dhe periodik të punonjësve të Policisë së Shtetit, Gardës së Republikës dhe
Shërbimit për Çështjet e Brendshme dhe Ankesat në Ministrinë e Brendshme, të ndryshuar”.
18. Dekret i Presidentit të Republikës nr. 11.537, datë 9.7.2020 “Për kthimin në Kuvend të ligjit nr.
73/2020 “Për miratimin e aktit normativ me fuqinë e ligjit nr. 20, datë 20.05.2020 të Këshillit të
Ministrave “Për disa ndryshime dhe shtesa në aktin normativ nr. 3, datë 15.3.2020 të Këshillit të
Ministrave “Për marrjen e masave të veçanta administrative gjatë kohëzgjatjes së periudhës së
infeksionit të shkaktuar nga COVID-19” të ndryshuar””.
