Policia e Korçës ka ndaluar një 37-vjeçar nga fshati Vodicë i Bertit që po transportonte disa emigrantë në mënyrë të paligjshme. Policia thotë se vijon një operacion të koduar “Perimetri” për goditjen e trafikut të paligjshëm të emigrantëve.
Në pranga u vu N. S. i cili u kap në aksin rrugor rural Qafë Plloçë - Qukës, pranë fshatit Golik, duke transportuar me mjetin tip "Range Rover", në drejtim të Tiranës, 9 emigrantë të paligjshëm, të cilëve kundrejt fitimit prej 1000 - 1200 euro iu kishte premtuar kalimin drejt vendeve të BE-së.
Policia thotë se materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve, kryer në bashkëpunim”.
[video width="1280" height="720" mp4="https://cdnimpuls.com/lapsi.al/wp-content/uploads/2020/07/DzuohR4cq6S7upwRcLSO_23_9b71ef22559521ca2f6807ca8cb0b120_video_720p_converted.mp4"][/video]
