Një brez kampioni. E nuk është një brez i cfarëdoshëm, por një njohje zyrtare nga WBC, organizata që në fornin e saj ka emra si Lomachenko e Fury. Vetëm se Bridger Walker, të cilit sapo i është dorëzuar titulli i “kampion nderi WBC”, ka bërë dicka shumë më heroike se ajo që bëhet në ring.
6 vjecari, vjen nga Wyoming e është personazhi i javës në Shtetet e Bashkuara. Pak ditë më parë, kur pa të motrën dy vjet më të vogël të sulmohet nga një qen nuk ka hezituar ti dalë në mbrojtje: shpëtoi të voglën, por mori një kafshim të tmerrshëm në fytyrë që i kushtoi dy orë të një ndërhyrje delikate kirurgjike e 90 qepje. Historia u bë e njohur nga CNN, e kur tezja e tij shkroi në rrjetet sociale se Bridger është një fans i madh i superheronjve Marvel erdhi menjëherë mesazhi video i Chris Evans, aktorit që interpreton Kapiten Amerikën.
Manifestimeve afektive i është bashkuar sot edhe ajo e organizatës së boksit me seli në Mexico City: presidenti Mauricio Sulaimán i ka dorëzuar një brez kampioni, identik me ato origjinalet.
