Sot në Portin e Durrësit autoritetet shqiptare kanë sekuestruar një sasi të madhe parash, që besohet se është afër 2.6 milionë euro.
Shuma e madhe e parave është gjetur brenda në një kamion, i cili vinte nga Bari. Bëhet me dije se shoferi i kamionit, që u arrestua sot është Andon Thanasi.
Përpos arrestimit të shoferit të kamionit, në polici janë shoqëruar edhe shumë persona të tjerë, të cilët janë marrë në pyetje se mund të kenë lidhje dhe informacione për vlerën e madhe të parave të sekuestruara në port.
