Zbardhet dëshmia e shoferit të kamionit ku u sekuestruan rreth 2.6 milionë euro që vinin nga Italia me tragetin e linjës Durrës-Bari. Abc News mëson se 51-vjeçari, i identifikuar si Andon Thanasi, i arrestuar nga policia, ka deklaruar se nuk ka dijeni për paratë e gjetura në mjetin që drejtohej prej tij. Ai është shprehur se bën transportin dhe nuk e di se çfarë ka në pjesën e pasme të kamionit. Policia ka nisur hetimet për të mësuar se nga ku është nisur kjo ngarkesë dhe kush ishte destinacioni i saj. Ndërkohë vijon ende numërimi i parave në Komisariatin e Policisë së Durrësit. Paratë ishin futur në 5 qese plastmasi dhe ishin mbuluar me lëndën e parë që përdoret për prodhimin e këpucëve.
