Ish-deputeti i Partisë Demokratike, Agron Shehaj nxorri një video të kryeministrit Edi Rama teksa premtonte një paketë të tretë pas pandemisë.
Shehaj në Facebook shkruan se Rama ka gënjyer dhe një fakt i tillë është tragjik për mijëra familje të varfra e në nevojë.
Lexo më tej: Loja me video/ Kush gënjen për paketën e tretë, Rama apo Basha?
STATUSI I PLOTË
Rama ka thënë me zë dhe figurë se qeveria ishte gati për një paketë të tretë. Por vendosi të mos bëjë një pakete të tretë. Njeriu që rrugët i ndërton me koston e dhjetë herë më shumë se rrugët në Amerikë dhe Evropën Perëndimore, gjykoi që të papunët shqiptarë meritojnë një të njëqindtën e asaj që meritojnë të papunët në Amerikë dhe Evropë.
Kryeministri i lluksit rrugët i shet sikur të jenë prej floriri, por për të varfërit nuk jep as krunde. Kryeministri që udhëton me charter 100 mijë euro në Paris, qytetarët e tij i lë në mes të rrugës. Kryeminsitri i oligarkëve që me ta vjedh paratë dhe Shqipërinë, për të pamundurit nuk jep as mëshirë.
Mungesa e një pakete të tretë është tragjike për mijëra familje shqiptare. Mungesa e një paketë të tretë është braktisje e njerëzve në varfëri me pasoja për jetët dhe të ardhmen e tyre.
