Me lojtarët e tij, në këtë periudhë izolimi në pritje të rifillojë loja, tekniku i Liverpool Jurgen Klopp nuk është aspak ngacmues. Më tepër i dërgon atyre video që i kujton triumfin në edicionin e fundit të Champions e ndeshjet e mëdha të luajtura, me shpresën për të përjetuar të tjera njësoj. Problemi është si të kalojë kohën deri atëherë... E kështu Klopp i dedidkohet përditshmërisë: "Bëj gjëra të paprovuara më parë. Detyra ime aktuale është të laj pjatat, më pëlqen e jam bërë mjeshtër i lavapjatës - ka treguar gjermani për faqen zyrtare të Reds - Kam përgatitur vezët e mia të rrahura, ime shoqe Ulla nuk mbeti vecanërisht e impresionuar, se nuk më kërkoi ti ribëja".
Por tekniku gjerman ka mbi të gjitha për të fituar një sfidë me vetveten: "Jam 52 vjec e akoma nuk di si të bëj nyjen e kravatës. Por unë e im bir Dennis do impenjohemi shumë e ju garantoj se pas shtatë ditësh do e kem mësuar. Do më duhet kjo kohë - bën humor Klopp - sepse bëhet fjalë për një lëvizje që duart e mia nuk janë mësuar ta bëjnë". Izolimi, duke qenë se në Angli mund të vrapojë pranë shtëpisë, e ka ndihmuar të ndjejë kënaqësinë e të qenit i lirë. "Jetoj në një zonë të bukur dhe është kënaqësi të vraposh këtu përreth për një orë: e ndjej se nëse do të më ndalonin, do e ndjeja tmerrësisht mungesën".
