“Pi ujë nëse do të shkosh tek Manchester United”: klipi që zbulon të ardhmen e Sancho

Jadon Sancho ëstë një nga lojtarët më të kërkuar të momentit. Talenti anglez, që vjen nga moshat e Manchester City, ka preferuar të kërkojë fatin jashtë se të priste për një vend në pankinën e Pep Guardiola. Rezultatet thonë se ka patur plotësisht të drejtë, sepse anësori i Borussia Dortmund është bërë një yll e tani shumë skuadra kanë hedhur sytë mbi të. Nuk i mungojnë edhe sugjerimet, që vetë Sancho nuk resht së frymëzuari. Gjatë një lidhje direkte në Instagram, Sancho është zbavitur duke folur me tifozët, duke iu përgjigjur pyetjeve që i bëheshin. Ajo që në fakt i ra në sy të gjithëve ishte... një gllënkë ujë. Përse një gjest i tillë i thjeshtë do ishte një sinjal për të ardhmen e anglezit? Thjesht sepse dikush ia kërkoi. Në një klip, që u bë menjëherë viral, shihet një tifoz që i ka shkruar Sancho “pi një gllënkë ujë nëse do të shkosh tek Manchester United”. Rastësi apo zgjedhje e tij, por anglezi mori shishen dhe piu, duke cmendur tifozët e Red Devils.

Jadon Sancho confirms he'll sign for Manchester United this summer. ? pic.twitter.com/VrJVoN8JaZ

— 360Sources (@360Sources) April 12, 2020

Tani ata janë 100% të bindur se Sancho do të kthehet në Manchester, edhe pse në kampin e kundërt me atë ku është rritur. Raporti me City u thye kur Guardiola nuk besoi tek ai. Për këtë, vetë tekniku spanjoll ka deklaruar se e shihte shumë të vështirë një rikthim të Sancho në Etihad, të paktën sa kohë të ishte ai në pankinë. Nëse gllënka e ujit është një tregues, atëherë Sancho është shumë pranë United. Vetë Solskjaer ka shpjeguar se pavarësisht koronavirus, shoqëria parashikon të bëjë një merkato të fuqishme, edhe pse të mundësh konkurencën nuk do të jetë e thjeshtë… si të pish një gllënkë ujë.