Në Angli numri i viktimave po rritet ndjeshëm ku brenda 24-orëve kanë humbur jetën 737 persona dhe numri total i viktimave ka shkuar në 10 612. Këtë e ka bërë me dije sekretari i shëndetësisë Matt Hancock, i cili ka njoftuar se deri më tani janë infektuar me sëmundjen vdekjeprurëse 84,279 persona.
Autoritetet shëndetsore kanë njoftuar se deri më tani janë shëruar 344 persona dhe janë në gjendje kritike 1559. Këtë të diel kryeministri i Britanisë Boris Johnson ka lënë spitalin, për të vazhduar kurimin në shtëpi. Ai nuk do të kthehet menjëherë në punë, por do të pushojë për disa ditë, ndërsa do të bëjë edhe testet e tjera për koronavirus.
