Lulzim Basha i bëri thirrje qeverisë që të shpërblejë financiarisht punonjësit e policisë që ndodhen në krye të detyrës, në përballimin e situatës për mospërhapjen e COVID-19.
Në një postim në Facebook, Basha shkruan se pas personelit shëndetësor, policët janë në vijën e parë të rrezikut dhe janë në punë orar pa orar.
Nga ana tjetër Basha u ka kërkuar qytetarëve bashkëpunim të plotë dhe mbështetje për punonjësit e policisë në mënyrë që bashkërisht ta tejkalojmë këtë situatë me sa më pak dhimbje.
