Turpërim është pak: humbja më e keqe sezonale mbyll një 2019 skandaloz. Festa e Krishtlindjes është e gjitha për Atalantën e Gasperinin që ka bërë mrekullinë me bergamaskët. Zikaltrit që vinin nga humbja me Bolonjën i beson një të rigjeturi Gomez; ndërsa kuqezinjtë në kërkim të golit, që në ndeshjen e fundit kundër Sassuolo prishi festën e 120 vjetorit: vetëm 0-0. Për të tentuar ringritjen Pioli provoi Leao në tridhëmbëshin me Suso e Calhanoglu, duke lënë Piatek në pankinë. Por diferenca e numrave mbetej e dukshme: Atalanta zbriste në fushë me 38 gola të realizuar, Milan me 16. E gjatë ndeshjes hendeku vetëm u zmadhua.
Ilicic me një kthesë të bukur në minutën e dytë e bëri të qartë drejtimin e ndeshjes, që sihte ekskluzivisht në anën e Atalanta, që mori avantazhin në minutën e 10’: Gomez nisi nga e majta, shmangu Conti me një prekje të lehtë, e me të djathtën tundi rrjetën. Dominimin e certifikoi traversa e Pasalic nga jashtë zonës: Milan vuajti presingun dhe në anët e Gollinit nuk u pa pothuaj fare. Mundësia më e mirë e Milan ishte një konkluzion nga distanca e Rodriguez. Zvicerani lë lojën i dëmtuar në fundin e pjesës së parë, i zëvendësuar nga Calabria, që në të majtë nuk mundi ti vinte fre sulmeve të bergamaskëve.
15 minuta pas rifillimit duhen që Atalanta të dyfishojë. Pasalic shënon, por si ish-kuqezi nuk feston. Është festë e madhe për zikaltrit që shënojnë të tretin dy minuta më pas, kohë në të cilën Pioli kishte hedhur në fushë Piatek për Bonaventura. Tentativa për të forcuar sulmin u rrëzua nën goditjet e Ilicic, tepër i inspiruar. Nuk ka përfunduar me aq sepse po Ilicic bën poker me një goditje të fuqishme, këtë herë me këmbën e tij të preferuar, të majtën. Nuk ka reagim kuqezi, sepse Atalanta është asfiksuese: Muriel, i sapofutur, shënon edhe golin e pestë, duke kaluar edhe Donnarumma. Portieri të paktën evitoi golin e 6-0 të Gosens, në një ndeshje ku nuk pati ndeshje: Atalanta ishte një makinë perferkte, Milan një ingranazh në të cilin nuk ka një pjesë të vetme që funksionon: mbrojtja rrëzohet, mesfusha nuk mban, sulmi është plotësisht inekzistent.
