Pas një mbretërimi 40 vjecar, Uli Hoeness, do të largohet nesër nga presidenca e Bayern Mynih, klub që e transformoi në një gjigant të futbollit europian. E megjithatë 67 vjecari premton se nuk do ti shkëpusë lidhjet me bavarazët, duke u kujdesur për punën "si një klloçkë me zogjtë e saj".
Me një karakter eksploziv, karizmatik ("Nuk më intereson imazhi im!"), thellësisht human por i pamëshirshëm në biznes, biri i një kasapi modest ka dedikuar jetën për një pasion të vetëm: klubin e tij. "Tani që nuk kam më detyra zyrtare, do të kthehem në modalitetin sulmues!", ka paralajmëruar Hoeness që, me lot në sy, kishte deklaruar se "do ti shërbente klubit të tij deri në frymën e fundit", në diskutimin e fundit të bërë në 2014, para se të shkonte në burg për gati dy vjet për një evazion fiskal të pretenduar.
