Një grup mbështetësish të Partisë Demoratike, kanë tentuar të sulmojnë deputetin Tom Doshi, jashtë ambienteve të Bibliotekës së Universitetit “Luigj Gurakuqi” në Shkodër, pas përfundimit të mbledhjes për konstituimin e Këshillit të ri Bashkiak.
Doshi është ndjekur me brohorima nga turma e protestuesve përgjatë rrugës, ndërkohë që efektivë të shumtë të Policisë ishin në lëvizje për të mbrojtur deputetin.“Sot mora pjesë në mbledhjen e këshillit bashkiak si aleat i PS”- ka thënë Doshi, duke shtuar se ata që nuk morën pjesë në zgjedhje nuk kanë të drejtë të protestojnë.
Këshilli bashkiak i Shkodrës, është konstituuar pavarësisht qendresës së simpatizantëve të PD-së, të kryebashkiakes ende në detyrë, Voltana Ademi dhe të një grupi ish-deputetësh të djathtë.
https://youtu.be/NENZ3xiWWMM
