Ndonëse qeveria bëri gjithcka për ti trembur dhe dekurajuar, që nga dhuna e egër në dy protestat para parlamentit, e deri te tendenca për ti penguar në kufi ata që do vinin nga jashtë dita e 35-të e protestës, ishte një festë madhështore e revolucionit të flamingove. Ajo ishte madhështore jo vetëm nga pjesmarrja e dhjetra mijra pjesmarësve në shesh por mbi të gjitha nga simbolika që tregonte se një shumicë shqiptarësh kërkon ndarjen përfundimtare me Edi Ramën e deri tek fjalimet pikante. Gjithcka përmblidhej në zbërthime në forma të ndryshme të slloganit.
Ndërkohë që edi Rama i ka dhuruar fyerje, kërcënime dhe shkopin e gomës, protestuesit iu përgjigjën me një sërë `dhuratash për ditëlindjen e tij të 63-të.
-
"Rama TQR"/ Torta e veçantë për Ramën te kryeministria
4 Korrik, 22:06
Në shesh u shfaq edhe një tortë me mbishkrimin "Rama TQR" dhe "Te Quiero Rama", ku protestuesit frynë qiririn me numrin 0 duke kënduar "Rama jepe dorëheqjen".
Protestuesit sollën edhe një arkivol ku shkruhej "Arkivoli politik i Ramës". Ndërsa studentët rrëzuan dhe shkelmuan një statujë të improvizuar të kryeministrit me mbishkrimin "Diktatori i fundit", duke e krahasuar me rrëzimin e bustit të Enver Hoxhës më 20 shkurt 1991.
Ramën e kemi rrëzuar me kreativitetin tonë”, tha një protestues. Herë pas here sheshi jehonte me thirrjet “Shumë burgime për ty, shumë burgime për Ramën, shumë burgime për ty”.
Një protestues i kishte sjellë Ramës një uniformë burgu, një brisk e sapun, të cilin i sugjeroi ta ndajë me Erion Veliajn.
“Ky është kostum burgu nga më të mirët që ka Europa. Në behar të mban freskët, në dimër shumë ngrohtë. Mos u mërzit se kemi menduar për shumë gjëra të tjera. Një sapun, por do të duhet ta ndash bashkë me Erion Veliajn. Të kam sjellë edhe një qese me miell, sepse e di që do të marrë malli të gatuash ndonjë byrek. E ke miell bo direkt nga fshatrat e Korçës. I kam sjellë një brisk”, tha ai.
Kjo protestë e 35 tregoi se as shantazhi dhe dhuna nuk funksionuan madje ajo e shtoi vrullin e `flamingove për të marshuar.
I vetmi efekt i ri lehtësisht i dukshëm ishte fakti se me sjelljen dhe qëndrimin e tij kryeministri po tregon një aftësi të paparë për ta mbledhur mërinë dhe zemërimin përreth vetes. Vetëm kështu mund të shpjegohet simbolika me monumentin e tij që digjet, me arkivolin e vdekjes politike dhe me parrullat "Rama TQR" .
LAPSI.AL
