Një aksident ka ndodhur mbrëmjen e sotme në hyrje të qytetit të Lushnjës.
Në njoftimin paraprak të Policisë, bëhet e ditur se drejtuesi i një mjeti të tipit “Benz” ka përplasur një biçikletë, duke i shkaktuar lëndime të rënda shtetasit Myfit Dingo, 67-vjeç.
I lënduari është dërguar më pas drejt spitalit të traumës në Tiranë.
Sipas policisë, 67-vjeçari i ka prerë rrugën mjetit në fjalë.
Në vijim të hetimeve, drejtuesi i mjetit është shoqëruar në Polici.