Këshilli i ri bashkiak i Shkodrës, është konstituuar pavarësisht qendresës së mbështetësve të Partisë Demokratike, të kryebashkiakes ende në detyrë, Voltana Ademi dhe të një grupi ish-deputetësh të djathtë.
Mbledhja e zhvilluar në ambientet e Biblotekës së Universitetit “Luigj Gurakuqi” është drejtuar nga prefekti i Shkodrës, Çesk Millja. Ndërkaq, në mbledhje u vu re mungesa e ish-ministrit të Jashtëm, Ditmir Bushati. Ndërsa, si përfaqësues nga Partia Socialiste në Shkodër, ishte i pranishëm deputeti Tom Doshi.
Ndërkohë, jashtë ambienteve të Biblotekës, protesta e organizuar nga PD-ja është përshkallëzuar në përplasje mes tubuesve dhe forcave policore.
Nga ana tjetër, vijojnë procedurat për konstituimin e këshillit.
https://www.facebook.com/partiademokratike/videos/445493272705331/
