Gjykata e Krimeve të Rënda ka dënuar me 35 vjet heqje lirie Çelnik Shahollin, 43 vjeç, autorin e vrasjes së bashkëshortes së tij, Adriana Shahollit, 42 vjeçe. Ngjarja ka ndodhur rreth një vit më parë, në banesën e çiftit Shaholli në Durrës, ku pas një debati, Adriana, nëna e një djali dhe e pesë vajzave, gjeti vdekjen pasi u transportua drejt spitalit, si rrjedhojë e plagëve të rënda të marra në kokë.
Shaholli është paraqitur i penduar në seancën e sotme gjyqësore, ku u shpreh se vrasja kishte ndodhur aksidentalisht. Mësohet se viktima kishte pësuar në mënyrë sistematike dhunë fizike dhe psikologjike nga i shoqi, i papunë dhe nën efektin e vazhdueshëm të alkoolit.
Shaholli, për shkak të xhelozisë i kërkonte viktimës që të braktiste punën e të qëndronte në shtëpi, pavarësisht se ishte e vetmja anëtare e familjes që siguronte të ardhura.
