Prangoset nga policia një person i shpallur në kërkim, si i dyshuar për vendosjen e eksplozivit në pronën e prindërve të tij, i akuzuar gjithashtu për dhunë fizike ndaj bashkëshortes. Mësohet se 35-vjeçari me iniciale E.O banues në Vlorë, është ndaluar si autor i vendosjes së eksplozivit në banesën e babait të tij, për motive të dobëta. Sipas policisë ngjarja ka ndodhur më 3 mars të vitit 2019.
Përveç vendosjes se eksplozivit ndaj këtij shtetasi rëndon edhe vepra penale e ‘Dhunës në familje’.
Policia ka arrestuar në flagrancë edhe një 54 vjeçar tjetër me iniciale A.J., për “Dhunë në familje”. Arrestimi i tij u bë pasi në fshatin Novoselë, ky shtetas dyshohet se ka ushtruar dhunë fizike ndaj bashkëshortes së tij, për motive të dobëta.
