Një 23 vjeçar shqiptar nga fshati Poum i Strugës u vra me armë zjarri mbrëmjen e djeshme në Strugë të Maqedonisë.
Ngjarja ndodhi rreth orës 18:40 minuta, kur autori me iniciale U.B. i lindur në vitin 1997 nga fshati Poum ka qëlluar me armë ndaj disa shqiptarëve.
Si pasojë e të shtënave ka mbetur i vdekur 23-vjeçari Z.B, ndërsa është plagosur shoku i tij V.B, i cili është dërguar në spitalin e Strugës.
Autori pasi ka qëlluar me armë është vetëdorëzuar në stacionin policor të Strugës. Policia maqedonase ka nisur hetimet për zbardhjen e plotë të ngjarjes.
