Pas kritikave të raportuesit për Shqipërinë në Parlamentin Europian, Knut Fleckenstein ka reaguar ish-kryeministri Sali Berisha. Në një intervistë në Ora News, Berisha e lidhi këtë me një histori rozë.
“Nuk i takonte Knutit të thoshte atë që tha për Monikën. Se tani nga darka ka dalë diçka tjetër. Gosipi është gosip. Tani nga darka qyteti fliste për një histori “cherchez la femme”. Ai mllef kundër Monikës, thonë se diku ajo i ka prishur punë. Po të ishte menduar më mirë ai do ti kishte tërhequr ato fjalë” – tha Berisha.
Ish-kryeministri e konsideroi kryeministrin Edi Rama një kufomë politike.
“Ai është një zhgarravitës dhe mënyrë absolute asgjë tjetër. Janë të pavdekshme cilësimet që i kanë bërë kritikët e artit italianë, që thanë zhgarravinat e një adulti të droguar. Kaq janë ato. Problemi i tij është ky; ai është kufomë politike e pa kallur. A do ta kuptojë ai, kjo është gjë tjetër. Sa të jetë në fazë maniakale, ai nuk ka vesh që të dëgjojë, nuk ka sy që të dëgjojë" - tha Berisha. ©LAPSI.al
