Përfaqësues të diasporës shqiptare kanë mbërritur në Tiranë për t’iu bashkuar protestës masive të qytetarëve të paralajmëruar për orën 19:00, në kuadër të ditës së 35-të të tubimeve përpara Parlamentit.
Autokolona e tyre është ndalur fillimisht në rrugët e kryeqytetit ku më pas janë ndalur pranë Komisariatit nr. 3 në Tiranë, ku prej së enjtes ndodhen të paraburgosur protestuesit e arrestuar gjatë protestës para sallës së seancave plenare të Kuvendit. Qëllimi i ndalesës është kërkesa për lirimin e tyre.
Në orën 19:00 pritet të nisë edhe protesta e radhës, e cila shënon ditën e 35-të të tubimeve qytetare, ku protestuesit vijojnë të kërkojnë largimin e qeverisë dhe dorëheqjen e panegociueshme të kryeministrit Edi Rama.
