Monedha e përbashkët evropiane ka humbur edhe sot pikë në tregun e brendshëm të këmbimit valutor, duke iu afruar sërish nivelit më të ulët të 10 viteve, që u arrit në fillim të prillit. Më 6 prill, 1 euro u këmbye me 128.84 lekë, ndërsa sot u këmbye me 128.96 lekë.
Euro u nënçmua me 0.04 pikë, në krahasim me një ditë më parë, referuar të dhënave zyrtare të Bankës së Shqipërisë.
Rënia e euros muajt e fundit, sipas ekspertëve, lidhet me qarkullimit e lartë të monedhës së përbashkët evropiane në vend. Pritet që euro të vijojë të jetë e dobët edhe në muajt në vijim, teksa me afrimin e verës fillojnë e forcohen efektet sezonale si prurjet e emigrantëve dhe të ardhurat nga turistët.
Ndërkohë, dollari amerikan ka vijuar rritjen edhe ditën e sotme, duke u këmbyer me 105.65, + 0.23 në krahasim me një ditë më parë. Të njëjtin trend ka ndjekur edhe paundi britanik, që u këmbye sot me 147.35 lekë, me një rritje prej 0.18 pikë, në krahasim me fillimjavën.
