Nga ceremonia e përkujtimit të 2 Prillit të vitit 1991 në Shkodër, kreu i PD Lulzim Basha i ka dërguar një mesazh kryeministrit Edi Rama pas protestës së dhunshme të së shtunës në Rrugën e Kombit.
“I them sot nga Shkodra se i ka bërë hesapet gabim, i them sot se ajo që nisi në Kukës nuk do ndalet dhe s’ka për të ndalur deri sa tirania e krimit të rrëzohet.
S’ka rrugë tjetër për ta larguar te keqen përveçse përballjes me të. Kukësi u përball dhe e ndali të keqen. Së bashku me Kukësin do e sprapsim atë. Le të jetë një fillim i mbarë i pranverës që po vjen. Zotohem dhe i ftoj të zotohemi të gjithë së bashku në këtë altar të lirisë sot se gjithë ca kemi denoncuar si opozite as do i falim as nuk do i harrojmë kur te vijojë ora e përgjegjësisë se pushtetit. S’do falim askënd që ka vjedhur dhe grabitur, s’do ketë pushtetar, nga kryeministri deri te punonjësit e thjeshte te administratës që s’do japë llogari për vjedhjet e grabitjet që i janë bërë vendit, kushtetutës dhe ligjit” – tha Basha.
