Ish deputeti i Partisë Demokratike, Astrit Patozi, ka qenë i ftuar në emisionin “Të Paekspozuarit”, ku ka folur për rolin dhe ndikimin e Sali Berishën në Partinë Demokratike.
Sipas Patozit, Berisha nuk ka asnjë ndikim në vendimet që merren në Partinë Demokratike, që prej ditës që dha dorëheqjen në vitin 2013. Patozi i’a faturoi të gjitha dështimet e PD-së pas vitit 2013, kryetarit Lulzim Basha.
“Sali Berisha çfarëdo të ketë bërë e gjykoj nga aktet dhe jo nga fjalët apo kulisat. Sali Berisha dha dorëheqjen. Sa herë është pyetur ka thënë: “Unë nuk jam pjesë e vendimeve të PD-se dhe unë nuk bëj pjesë në debatin e brendshëm”. Nga viti 2013, roli i Berishës është i debatueshëm. Por, kam ardhur të flas për vendimet e Bashës. Ka marrë vendime vetë dhe u ka vënë firmën e tij. Jemi në krizë për shkak të Lulzim Bashës.” /lapsi.al/
