Kontenieri i kompanisë “Arbri Garden”, ku më 27 shkurt u gjet sasia rekord prej 613 kg kokainë, ishte hapur. Sipas gazetares së kronikës, Klodiana Lala, policia gjyqësore raportoi për ndërhyrje në pjesën e djathtë fundore të kontenierit.
“Ka pasur ndërhyrje, llamarina ishte e lëvizur e kishte gjurmë silikoni, që do të thotë se konteineri mund të jetë hapur dhe nga organet ligjzbatuese të vendeve të tjera” – u shpreh Lala në emisionin “Studio e Hapur”.
Gazetarja u shpreh se ditën kur u kontrollua kontenieri ka pasur një debat mes agjentëve të hetimit doganor dhe policisë.
“Policia kërkonte që kamioni të shkonte në destinacionin final, ndërsa hetimi doganor këmbëngulte se ishin ata që e kishin hasur drogën” – u shpreh gazetarja.
Sipas Klodiana Lalës, pronari i komanisë “Arbri Garden”, Arbër Çeka, mund të shpallet shumë shpjet në kërkim ndërkombëtar.
“Ka një sërë letërporosish të nisura nga prokuroria e Krimeve të Rënda në Kolumbi, Ekuador, Maltë e Gjermani”.
