Mbetet ende e paqartë nëse 25 vjeçarët e arrestuar për 613 kilogramë kokainë në Durrës ishin në dijeni të trafikut të drogës apo rastisën në vendin e gabuar dhe në kohën e gabuar.
Për të kuptuar më shumë, prokuroria ka hetuar lëvizjet e tyre brenda dhe jashtë vendit. Nga hetimet ka dalë se Donald Lushaj, menaxheri i firmës së bananeve, që importoi kontenierin nga Kolumbia ka lëvizur shpesh jashtë vendit.
Vetëm në vitin 2018 ai ka dalë dhe ka hyrë 6 herë nga pika kufitare e Morinës.
Konkretisht, ai ka dalë nga Shqipëria më 2 janar, 13 janar, 21 janar dhe 22 janar, 26 janar e 5 shkurt dhe është kthyer kurdoherë pothuajse brenda ditës.
Pas arrestimit, Lushaj ka deklaruar: "Kam katër vjet që punoj si menaxher i ‘Arbri Garden’. Porositë bëhen nga Arbër Çekaj 25-30 ditë përpara. Kontenierët e kompanisë erdhën dy javë me vonesë. Kontenierët u ndaluan për inspektim në Livorno të Italisë dhe për këtë kontroll "Arbrit" i erdhi një faturë prej 4 mijë eurosh për të paguar."
