Pas publikimit të emrave të zgjedhur nga ministria e Jashtme që do të negociojnë me Greqinë, ka reaguar ish-kryeministri Berisha. Ministri Bushati ia dërgoi sot letrën me emrat e grupit negociator Metës, ndërkohë që Berisha shprehet se një nga emrat në listë, Artur Mecollari, është i larguar nga ushtrua ne vitin 2012.
Berisha është shprehur se ai është një ish-spiun i forcave të Armatosura, që është larguar pas kundërshtimeve të SHISH dhe ushtrisë.
“Do ta denoncoj me ashpërsinë më të madhe vendosjen në krye në grup negocimi të një ish spiuni të Forcave të Armatosura, i larguar pas dokumentimeve të pakundërshtueshme të SHISH, të ushtrisë dhe të dhënat e tjera, i larguar me vendim të prokurorisë së përgjithshme dhe që ky agjent, ky spiun, Artur Mecollari, diçka e kësaj natyre siç ka të drejtë çdo shtetas që akuzohet më të padrejtë, nuk i është drejtuar gjykatës se faktet kanë qenë katastrofale. Ai ka zgjedhur rrugën e xhepit apo influencës apo vendin tjetër që merrte rrogën, për tu rikthyer në funksione nevralgjike të shtetit shqiptar, nëse lexoni deklaratat e zëdhënësit te Edi Ramës, Ditëzi Bushatit se ne nuk kemi zhvilluar diskutime teknike, por politiko-diplomatike dhe prapa këtij nxjerr kokën në Korçë ku u diskutua 13 orë për marrëveshjen e detit, pikërisht njeriu i larguar nga FA për lidhje agjenturore me shërbimet e huaja. Ky përben një superskandal se jam i sigurt që marrëveshja është bazuar ne hartat dhe vizatimet e këtij spiuni qe nuk ka interesa kombëtare, por vetëm interesa te vendit që i shërben” – u shpreh Berisha.
