Komisioni i Pavarur i Kualifikimit njoftoi sot se ka vendosur të ndërpresë procesin e rivlerësimit për Adriatik Llallën, ish-Prokurorin e Përgjithshëm të Shqipërisë.
“Komisioni i Pavarur i Kualifikimit deklaroi se trupi gjykues, i përbërë nga Roland Ilia, kryesues; Pamela Qirko, anëtare dhe Olsi Komici si relator, pasi mori dijeni për dorëheqjen e subjektit të rivlerësimit, z. Adriatik Llalla, më datë 12.02.2018, në zbatim të nenit G të Aneksit të Kushtetutës, vendosi ndërprerjen e procesit të rivlerësimit për subjektin e rivlerësimit, Adriatik Llalla” –thuhet në njoftim.
I njjëti vendim është marrë edhe për ish-gjyqtarin e Gjykatës Kushtetuese Besnik Imeraj.
“Komisioni i Pavarur i Kualifikimit njofton se trupa gjykuese, e përbërë nga Brunilda Bekteshi, kryesuese; Etleda Çiftja, anëtare dhe Genta Tafa (Bungo) si relatore, pasi mori dijeni për vendimin nr. 2, datë 31.01.2018 të Gjykatës Kushtetuese, botuar në Fletoren Zyrtare nr. 14, datë 06.02.2018, në zbatim të nenit G të Aneksit të Kushtetutës, ka vendosur ndërprerjen e procedurave të rivlerësimit për subjektin e rivlerësimit Besnik Imeraj” – thuhet në njoftim.
