Si për të zbutur tensionin që transmetuan pamjet e protestës së opozitës në parlament, Edi Rama doli në këmbë nga salla e parlamentit, bashkë me opozitarët.
Madje për të treguar se situata nuk është aq serioze sa ç’duket, Rama qëndroi disa momente në hyrje të parlamentit, pak metra nga Lulzim Basha dhe deputetët e tjerë demokratë.
Përveç disa vështrimeve inatçore që u shkëmbyen në shkallët e parlamentit, asgjë nuk ndodhi. Rama iku i qetë bashkë me Elisa Spiropalin dhe demokratët qëndruan në oborrin e kuvendit.
Dalja e Ramës nga dera kryesore e parlamentit nuk është e zakonshme, pasi në raste të tilla garda kujdeset që kryeministri të largohet nga dalja e pasme.
