Një autobus është përfshirë nga flakët mëngjesin e sotëm në kryeqytet duke shkaktuar panik tek udhëtarëtm por edhe tek kalimtarët nga frika e ndonjë shpërthimi të mundshëm.
Ngjarja ndodhi në afërsi të sheshit “Shqiponja” duke ardhur në drejtim të Zogut të Zi. Fillimisht flakët kanë rënë në pjesën e motorit dhe më pas e gjithë pjesa e përparme është përfshirë nga zjarri.
Udhëtarët janë zbritur menjëherë nga autobusi, ndërsa në vendngjarje kanë shkuar zjarrfikëset që kanë bërë të mundur shuarjen e flakëve. Fatmirësisht nga ngjarja nuk raportohet për persona të lënduar.
