Një ngjarje e rëndë ndodhi pasditen e kësaj së diele në Koplik të Malësisë së Madhe. Nga burime policore mësohet se gjithçka ndodhi në oborrin e shtëpisë së familjes Bajrakurtaj ku bashkëshorti ka goditur me sëpatë për vdekje gruan e tij 42-vjeçare.
Burime nga policia i thanë lapsi.al se viktima është Lumbie Bajrakurtaj. Sipas të njëjtave burime 3 fëmijët e çiftit, 2 vajzat 11 dhe 14 vjeç si dhe djali 6 vjeç ndodheshin brenda në banesë në momentin e krimit. Ata i thanë policisë se dëgjuan zhurmë, por nuk dolën jashtë.
Për autorin Ylber Bajrakurtaj, gjithashtu 42 vjeç thuhet se është me probleme mendore. ©LAPSI.al
