Tre shqiptarë u arrestuan në Follorina sot paradite, nga policia kufitare e Kapshticës, në anën greke, pasi u kapën me 16 kilogram kanabis.
Sipas mediave lokale, shqiptarët e arrestuar janë të moshës 20, 22 dhe 27 vjeç. Identiteti i tyre nuk është bërë ende i ditur. Këto tre shtetas kaluan në mënyrë të paligjshme kufirin me 3 thasë dhe disa qeska me kanabis, pesha e të cilave ishte rreth 16 kilogram dhe 411 gram. Ata akuzohen për transportim, posedim dhe kalim të paligjshëm të lëndëve narkotike.
