Mjekët kanë mbetur të habitur me rastin e një njeriu i cili kishte gëlltitur telefonin e tij celular.
Ai është një i burgosuri 29-vjeçar, i njohur me probleme psiqike dhe sociale. Pasi gëlltiti telefonin ai pati të vjella për rreth 4 orë.
Në fillim nëpërmjet një fotografimi kirurgët panë se paisja ishte në pjesën e barkut vetëm pak mbi stomak. Pas 8 orësh pajisja kishte lëvizur, por nuk kishte shkuar në zorrë.
Mjekët tentuan fillimisht nëpërmjet një endoskopie me dritë të gjenin telefonin dhe ta tërhiqnin atë nëpërmjet ezofagut të pacientit, por kjo nuk funksionoi.
Mjekët u detyruan të kryenin një prerje të madhe në bark dhe pajisja u hoq me sukses.
Pas kryerjes së operacionit pajisja është matur dhe ka rezultuar të jetë me përmasa 6.8 × 2.3 × 1.1 cm. Ajo është dërguar për ekzaminim mjeko-ligjor.
