Mark, një student që për momentin mbetet anonim pjesë e universitetit të inxhinierisë aerospaciale të Michigan Tech college, është vënë në qendër të vëmendjes për një projekt të tij. Në fakt ai e ka vizatuat projektin e një avioni në gjendje të dehur dhe në mëngjes ka parë se shoku i tij i dhomës e ka publikuar në rrjetet sociale. Vetë Mark nuk mbante mend asgjë nga ajo që ka bërë. Miku i tij Keith Fraley tha se ka mbetur i habitur kur ka parë skicat e projektit. “Kështu, kur miku im i dhomës u kthye i dehur mbrëmë vizatoi këtë projekt avioni dhe që tashmë nuk mban mend asgjë”- shkroi Fraley në Twitter. Postimi numëron mbi 77 mijë shpërndarje në pak orë, por i famshmi Mark nuk ka dashur të dalë në publik. /lapsi.al/
