Nëse shikon me vëmendje në këto dy foto mund të shohësh fytyra njerëzore në retë që rrethojnë eklipsin e Diellit. Fotot janë bërë në qiellin gri të Britanisë së Madhe gjatë së premtes. Si miliona britanikë edhe Gemma Cowie shpresonte të fotografonte fenomenin. Ajo bëri disa foto, por pa se në dy prej tyre kishte figura të çuditshme në qiell. 40-vjeçarja nga Newcastle, i tha gazetës “Mirror” se: "U mërzita kur pashë aq shumë re në qiell. Megjithatë bëra shumë foto për të pasur sa më shumë nga eklipsi. Kur pashë më vonë çfarë kisha fotografuar, u mrekullova”.
