Dy lesbike u arrestuan nga policia braziliane pasi u kapën duke u puthur gjatë një predikimi në Sao Sebastiao, në rajonin verior të Sao Paulo-s. Pastori Marco Feliciano, i cili është edhe nënkryetar i Komisionit federal për të Drejtat e Njeriut dhe të Pakicave në Dhomën e Deputetëve e ndërpreu predikimin e tij, për të kërkuar nga policia arrestimin e dy vajzave.
"Ato duhet të dalin nga këtu me pranga në duar. Është e kotë që ikin, policia do t’i kapë. Kjo nuk është një shtëpi publike, është shtëpia e Perëndisë" - u shpreh Feliciano. Ky u quajt një gjest tepër i pavend për një takim, në të cilin flitej për Zotin, ndaj dhe dy vajzat u arrestuan menjëherë për këtë veprim.
