Presidenti amerikan Donald Trump ka propozuar që ish-drejtori ekzekutiv i Apple, Tim Cook, të marrë drejtimin e gjigantit të teknologjisë Nvidia, pas dorëheqjes së Jensen Huang.
Trump reagoi në rrjetet sociale, duke vlerësuar punën e Huang dhe e cilëson Tim Cook si njeriun e vetëm të përshtatshëm për ta zëvendësuar.
“Tani që drejtori ekzekutiv i Nvidia, Jensen Huang, i cili ka bërë një punë fantastike, ka dhënë dorëheqjen, ekziston vetëm një njeri që mund të zërë vendin e tij: Tim Cook i Apple. Një legjendë zëvendëson një legjendë!”, thuhet në mesazhin e publikuar me emrin e Donald Trump.
Një kalim i mundshëm i Cook nga Apple te Nvidia do të përbënte një nga lëvizjet më të bujshme në historinë e industrisë së teknologjisë, duke qenë se bëhet fjalë për dy kompanitë më të mëdha në botë për nga kapitalizimi në bursë.
Tim Cook drejton Apple që prej vitit 2011, ndërsa Jensen Huang është bashkëthemelues i Nvidia dhe një nga figurat kryesore të revolucionit të inteligjencës artificiale. /Lapsi.al
