Prokuroria e Posaçme Kundër Korrupsionit dhe Krimit të Organizuar (SPAK) ka zhvilluar kontrolle në ambientet e Bashkisë së Tiranës, në kuadër të hetimeve për dosjen e njohur si “Veliaj 2”.
Sipas burimeve të News24, gjatë operacionit hetuesit e SPAK kanë kryer kontrolle dhe kanë sekuestruar dokumentacion që lidhet me udhëtimet zyrtare të kryetarit të Bashkisë së Tiranës, Erion Veliaj, si edhe materiale që kanë të bëjnë me dietat e këtyre udhëtimeve.
Burimet bëjnë me dije se hetuesit kanë kërkuar dokumentacionin përkatës si pjesë e veprimeve hetimore në këtë procedim penal, ndërsa materialet e sekuestruara do t’i nënshtrohen analizës për të verifikuar elementët që lidhen me hetimin.
Kontrollet janë zhvilluar në kuadër të dosjes së njohur si “Veliaj 2”, hetimet për të cilën vijojnë nga SPAK.
