Flash

Skandal financiar në Turqi, zyrtarja e lartë e AKP-së jep dorëheqjen

Lapsi.al 28 September 2026

Një hetim i gjerë financiar ka shkaktuar përplasje politike në Turqi, ndërsa një zyrtare e lartë e partisë në pushtet, Fatma Betül Sayan Kaya, ka dhënë dorëheqjen nga të gjitha funksionet e saj politike dhe partiake. Kaya, ish-ministre e Familjes dhe nënkryetare e Partisë për Drejtësi dhe Zhvillim (AKP), njoftoi se i kishte kërkuar Presidentit Recep Tayyip Erdoğan që ta lironte nga detyra dhe dorëheqja e saj u pranua.

Vendimi erdhi pasi Prokuroria e Stambollit kërkoi masa paraprake ndaj pasurive të Kaya-s, bashkëshortit të saj dhe anëtarëve të familjes së tyre, në kuadër të një hetimi financiar. Sipas akuzave që po shqyrtohen nga autoritetet, Kaya dhe bashkëshorti i saj dyshohet se kanë investuar rreth 163 milionë lira turke, ndërsa vetëm pesë muaj më vonë kanë tërhequr më shumë se 2 miliardë lira.  

Kaya i ka mohuar akuzat dhe ka deklaruar se dëshiron që hetimi të zhvillohet plotësisht dhe pa asnjë dyshim. Ajo tha gjithashtu se një politikan duhet të mbajë përgjegjësi jo vetëm në aspektin ligjor, por edhe në atë politik e moral. Hetimi është pjesë e një çështjeje më të gjerë që lidhet me fondet e investimeve dhe transaksionet financiare. Sipas autoriteteve, në këtë rast janë përfshirë 76 persona, ndërsa 45 prej tyre janë arrestuar. Mes të arrestuarve raportohet edhe Erkan Kilimci, ish-zëvendësguvernator i Bankës Qendrore të Turqisë.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI