Flash

Kuvendi diskuton sot Paketën Fiskale dhe Buxhetin 2027

Lapsi.al 18 November 2026

Kuvendi diskuton sot Paketën Fiskale dhe Buxhetin 2027

Kuvendi i Shqipërisë mblidhet sot në orën 10:00 për të shqyrtuar në parim projektbuxhetin e vitit 2027 dhe Paketën Fiskale, dy nisma që kanë kaluar më parë në komisionet parlamentare. Seanca pritet të shoqërohet me debate mes mazhorancës dhe opozitës, ndërsa Partia Demokratike do të ketë 12 deputetë më pak në sallë për shkak të masave të përjashtimit. Mes tyre janë kreu i grupit parlamentar, Gazment Bardhi, dhe sekretari i Përgjithshëm i PD-së, Flamur Noka.

Demokratët kanë paralajmëruar votën kundër projektbuxhetit. Një ditë më parë, kryetari i PD-së, Sali Berisha, akuzoi qeverinë për mungesë transparence dhe konsultimi me grupet e interesit, duke pretenduar se masat e propozuara rëndojnë qytetarët dhe bizneset. Përveç projektbuxhetit, deputetët do të shqyrtojnë ndryshimet fiskale që prekin tatimin mbi të ardhurat, TVSH-në, procedurat tatimore, taksat kombëtare dhe akcizat.

Në rendin e ditës janë gjithashtu ndryshimet në ligjin për strehimin social dhe një projektvendim që lidhet me Komisionin e Posaçëm Parlamentar për Reformën Administrativo-Territoriale. Pas votimit në parim, projektbuxheti do t'u rikthehet komisioneve parlamentare për shqyrtimin nen për nen, përpara se të paraqitet sërish në seancë plenare për miratimin përfundimtar.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI