Flash

Rama fillon tërheqjen për ligjin e "investimeve strategjike": Po punojmë me BE për një ligj të ri

Lapsi.al 9 June 2026

Kryeministri Edi Rama tha se po punojnë me Bashkimin Evropian për të ndryshuar ligjin për Investimet Strategjike kur u pyet nga gazetarët e huaj nëse ky ligj është një nga kushtet që ka vendosur unioni për integrimin. 

Kryeministri tha se ligji, shumë i kritikuar, nuk ka qenë kurrë i padrejtë, por shtoi se do ta “lënë jashtë” sepse nuk iu duhet më. Ai bëri me dije se po punojnë me BE-në për të krijuar një ligj të ri për investimet strategjike. 

“Ligji për investimet strategjike nuk ka qenë kurrë i padrejtë. Shumë njerëz që flasin për të as nuk e dinë për ç’flasin po gjëja e mirë është që do ta lëmë jashtë se e ka përmbushur misionin e vet dhe nuk ka rëndësi. Nuk është se po luftojmë për të, thjesht do ta lëmë jashtë. Ligji për investimet strategjike na kanë ndihmuar të sjellim në këtë vend më në fund disa investime që përndryshe nuk do të kishin ndodhur. 

Tani nuk na duhet më në ligj për investimet strategjike se kapitali po hyn dhe investuesit e mëdhenj po vijnë. Në fakt nuk duan t’ia dinë për lehtësira. Duan natyrisht status të mbrojtur por nuk kemi probleme me këtë. Është pjesë e kuadrit negociator dhe po punojmë për një ligj të ri për investimet, po punojmë me BE. Çdo gjë që bëjmë mbështetet te standardet e BE.”, tha Rama. 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI