Një aksident i rëndë ka ndodhur në bypass-in e Vlorës. Tre automjete janë përplasur me njëra-tjetrën. Si pasojë e përplasjes, një furgon dhe një veturë janë përfshirë nga flakët dhe janë shkrumbuar plotësisht. Ndërkohë, në një automjet tjetër, të tipit BMW, një person ka mbetur i bllokuar brenda. 40 vjeçari, fatkeqësisht ka humbur jetën në vendngjarje pasi është djegur nga zjarri.
Në spital janë shoqëruar dhe tre te plagosur. Në vendngjarje janë nisur menjëherë shërbimet e Policisë dhe forcat zjarrfikëse, të cilat po punojnë për menaxhimin e situatës dhe zbardhjen e rrethanave të aksidentit.
