Luciano Spalletti e ka përsëritur disa herë, edhe publikisht, se i vetmi kusht i vendosur ndaj Juventusit për të nisur qetësisht sezonin e ardhshëm dhe për të vazhduar rrugëtimin e tij bardhezi ishte të kishte fjalën e tij në merkato. Trajneri bardhezi dëshiron të fitojë dhe është i bindur se Zonja e Vjetër ka nevojë për pak për të mbyllur diferencën me të tjerët. Por gjithmonë ka kërkuar garanci, sidomos në merkato. Epo, elementët që Juventus duket se po vlerëson të marrë në këto orë janë pikërisht sinjalizime të bëra nga vetë Luciano Spalletti: Alisson dhe Robertson.
Indikimi i dy futbollistëve në dalje nga Liverpool tregon se klubi bardhezi dëshiron qartësisht të vazhdojë ende me Spallettin pavarësisht mungesës së kualifikimit në Champions dhe mbi të gjitha i beson trajnerit të vet. Por kujdes, nuk bëhet fjalë për dy futbollistë shumë të rinj dhe këtu vjen risia tjetër. Fakti që duan t’i japin skuadrës elementë me eksperiencë është pikërisht në funksion të asaj që kërkon Spalletti në linjë me klubin.
Mungesa e futbollistëve që kanë pasur tashmë përballje me skena të caktuara, presione dhe kontekste të çdo lloji, ka qenë gjithmonë pak pika e dobët e Juventusit. Spalletti duket se e ka vënë re këtë dhe për këtë arsye po përpiqet të mbulojë atë hendek sidomos në zonat nevralgjike të fushës. Nuk është rastësi që zërat e merkatos në muajt e fundit kanë përmendur edhe futbollistë të tjerë që bëjnë pjesë në këtë grupmoshë si Rudiger për mbrojtjen, por edhe Lewandowski në sulm, pavarësisht se Vlahovic rezultoi vendimtar në javën e fundit të kampionatit. Në këtë moment nuk është e qartë nëse dy operacionet e lidhura me Alisson dhe Robertson do të përfundojnë me sukses, por strategjia e Juventusit është e qartë.
Për portierin, Reds mund të propozojnë edhe një vit tjetër kontratë, ndërsa për mbrojtësin e krahut ekziston interesi i fortë i Tottenham, gati për t’i bërë të firmosë një kontratë interesante. Juventusi ka ndryshuar rrënjësisht në vitet e fundit duke u bërë, sidomos pas largimit të teknikut Allegri, një skuadër shumë e re, fryt mbi të gjitha i projektit Thiago Motta të përqendruar edhe te kjo linjë e gjelbër sipas modelit Como të Fabregas. Megjithatë, ndryshimet në pankinë nuk i dhanë vazhdimësi kësaj ideje, e cila u shua pas as më shumë se një sezoni, duke i dorëzuar në duart e teknikut Spalletti një skuadër me potencial të jashtëzakonshëm, por me pak eksperiencë europiane dhe në ndeshjet vendimtare edhe të kampionatit. Me pak fjalë, përveç ndonjë përmbysjeje të bujshme, linja e merkatos që duhet ndjekur nga Juve do të jetë kjo dhe me teknikun Luciano Spalletti në komandë.
