Kreu i SPAK Klodian Braho ka deklaruar se SPAK ka kërkuar sekuestrimin e çdo pasurie të biznesmenit Ermal Beqiraj, i cili u arrestua disa ditë më parë në Francë me një avion privat. Gjatë një takimi informal me gazetarët, Braho ka theksuar nuk bëhet vetëm fjalë për avionët por për çdo pasuri tjetër.
"Për çështjen e Beqirit, procesi është ende në zhvillim. Njoftimi zyrtar do të bëhet së shpejti dhe do të ketë më shumë detaje. Ne kemi kërkuar sekuestrimin e çdo pasurie që disponon personi në fjalë. Nuk bëhet fjalë vetëm për avionët, por edhe për prona dhe pasuri të tjera," tha Braho.
