Flash

Anulohet konkursi për drejtuesit e departamenteve në Policinë e Shtetit

Lapsi.al 29 July 2026

Policia e Shtetit ka anuluar procedurën e konkurrimit për pozicionin “Drejtor Departamenti”, duke pezulluar garën për emërimin e drejtuesve të tre departamenteve kryesore të institucionit.

Vendimi është bërë publik përmes një njoftimi të datës 28 korrik 2026, ku thuhet se anulimi është vendosur në zbatim të ndryshimeve të ligjit nr. 82/2024 “Për Policinë e Shtetit”, si dhe në kuadër të procesit të ristrukturimit të institucionit.

Sipas njoftimit, anulohet procedura e konkurrimit e shpallur më 2 korrik 2026 për pozicionet e drejtorëve të Departamentit për Policinë Kriminale, Departamentit për Kufirin dhe Migracionin, si dhe Departamentit për Marrëdhëniet Ndërkombëtare.

Në argumentimin e vendimit thuhet se ndryshimet ligjore sjellin riorganizim të strukturës së Policisë së Shtetit dhe se anulimi bëhet për të garantuar “parimet themelore kushtetuese të ligjshmërisë, sigurisë juridike, transparencës, mosdiskriminimit, mundësive dhe shanseve të barabarta” për kandidatët.

Policia sqaron se procedura e konkurrimit anulohet “deri në momentin e implementimit të ndryshimeve ligjore”, çka lë të kuptohet se gara pritet të rihapet pasi të përfundojë ristrukturimi i institucionit.

Anulimi vjen vetëm pak javë pasi ishte shpallur thirrja për aplikime për këto poste drejtuese, ndërsa mbetet për t’u parë nëse procesi do të rifillojë me kritere të reja dhe mbi bazën e strukturës së re organizative të Policisë së Shtetit.

Të këshilluara

Marrëveshja me SHBA/ Akuza e PD: 55 deputetë votuan pa e lexuar dokumentin

Partia Demokratike ka ngritur pretendime mbi numrin e deputetëve që janë njohur me përmbajtjen e marrëveshjes së huas ndërmjet Shqipërisë dhe Shteteve të Bashkuara të Amerikës për financimin ushtarak, ndërsa Kuvendi ka bërë me dije se i ka vënë në dispozicion opozitës dokumentacionin e kërkuar parlamentar.

14:06

Belinda Balluku thirret në SPAK e shoqëruar nga avokati

“News 24” raportoi ekskluzivisht tri ditë më parë se SPAK kishte zgjatur afatet e hetimit për ish-zv.kryeministren Belinda Balluku, e cila është nën akuzë për korrupsion, pastrim parash e shkelje barazie në tenderë në vlera miliona euro. Këtë të mërkurë është mësuar se ne adresë të ish-ministres së Infrastrukturës dhe Energjisë është nisur fletëthirrja ku […]

13:56

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI